WOH..!!

Pyar kahoon, junoon kahoon- kya hai WOH, hai sabhi kuchh WOH sab kahin;
Chhaakar mujhpar sab likhwaati hai WOH, yeh kavita mere bas ki baat nahin…

Ke har shai (world) mein uski soorat lagey , aur WOH zindagi ki zaroorat lage;
Duniya ke har tabassum se jadi, mujhe WOH ek jaagti si moorat lage;
Roshni ka farq dikhta nahin par, kahoonaga kat-te din aur raat nahin (chhakar…)

Chhua nahin hai usko kabhi, par saanson mein bas uski mehak hai;
Bhula deti hai sab kuchh ke, tamannaon mein bhari kaisi ye kasak hai;
Hai shai (duniya) aur jannat ki har khushboo usmein, agar WOH aabe-hayat nahin… (chhakar…)

Bas ek baar unka deedaar ho jaaye, wo roop nirakaar se saakaar ho jaaye;
Jee sakta hoon uske bina bhi waise to, par jeene ka ek aadhaar ho jaaye;
Sach hai to khud ban jaayega wo rishta, isliye maanga uska saath nahin(chhakar…)

Koi hai jo taaqat hai in ufante lavzon ki,
jiska aangan hai meri ragon mein aur raag mein;
Ragon mein daudti hai, aankhon se tapakti hai,
chetna hai har pal khushi ke mere bhaag mein;
unki udaasi? WOH kya hai? Mere shabdkosh mein ye naam nahin (chhakar…)

labon pe sulagta angaarey mere, aur jism mein tej hai jitna;
rang, mehak, taqat, samajh, sheetalta, jo hai jahan hai jitna;
usi ka saaya hai har jaadoo, WOHi prerna hai, inmein mera koi haath nahin…
jab chaahe mera kuchh bhi kar sakti hai WOH, lagaayegi WOH kabhi ghaat nahin…

Pyar kahoon, junoon kahoon- kya hai WOH, hai sabhi kuchh WOH sab kahin;
Chhaakar mujhpar sab likhwaati hai WOH, yeh kavita mere bas ki baat nahin…

amawas mein dhoondhne ki shart lagate ho hamse tum;
kya jaano ki tumhare rehte amawas ho nahin sakti

log kehte hain ki yeh pyar kuchh cheez ajeeb hai;
yahan phoolon ki chot pe kaanton ka marham lagta hai.

aye shayar unki aankhon mein itna bhi na kho
ki unke dil tak jaane ka raasta bhi na mile
unhen paane ke liye jaagna hi hoga tujhe
but samajh ke na chhod jaayen gar tere lavz na hile

Vijay